انت الاسمر / الشاعر طارق رشيد
......انت الاسمر.........
شمس الله الباكت كل اسمر
عافت منك لون وضحكه
كل ضحكاتك باتن بشفافك
وانه برمشي جبتك مع كل تعب الدنيا
نظرة عيني لعينك جانت كبل اجدامي
لعندك تمشي..
صوتك يطلع سمفونيه
راضي بحسنك صاير ديه
القنديل مضوي ويلضحكه
يتمنه بكربك مايطفه
لاتطلع يم دوخ الغرفه
جي عاشكتك ماتفتح باب
اوكف يامعشوك الباب
اوكف يامعشوك الحايط
حكه اطار الصورة يحبسك
حسنك شارب مي تشرين
يل مو اسمر بس بشوفك تروي العين
يل جفك مايطلع فارغ من اتسلم
شايل ياس ولمعه معضد
من ايلامس جفك جفي
تحمر حد ما يطلع دمك
نار وتجوي ع الخدين.....
طارق رشيد
تعليقات
إرسال تعليق