بص يأبني /الشاعرة مي ابراهيم القاضى
♡♡بص يا إبني ♡♡
بص يا إبني
حالك بقي مش عاجبني
عمال بتبني عمال تعلي
شاغل بالك بالدنيا تملي
واللي جاري واللي حاصل
واللي راجع واللي هاجر
واللي مات واللي عايش
عمال بتزرع في أرض غيرك
عايش متغرب
توزع علي الغريب خيرك
وسيايب ولادك !!
اللي هما في الدنيا زادك
روح وأسس
علم و كبر
علمهم تبقي قلوبهم جريئه
وريهم فين الحقيقه
صلي وهلل صلي وكبر
علي دينك دايما يلا دور
علمهم بس المبادئ
علمهم كل الحقايق
فهمهم
دينهم هو حياتهم
يحميهم لحد مماتهم
ماتشغلش بالك أوي
كده بالدنيا
كلها دواير جوه بعض
شغااااااله و دايره
ومهما حاولنا نفهمها
هاتفضل عقولنا بس حايره
كلمه أخيره إزرع في ولادك
دايما كل خير
يوم هاتحصد ثمره زرعك
تتلون الدنيا بفرحك
وتلاقي فيهم دوا
لكل حزن جارحك
دنيا منهيه وفانيه
إفرح وحب
في كل ثانيه
وسامح وعدي
وللصعب هدي
تلاقي حياتك
حلوه وجميله
بس إزرع بس فيهم
مبادئ ديننا
وتقاليدنا الأصيله
واتوضا وصلي
وادعي ربك بالهدايه
كل ليله
♡ ♡بقلمي / مي ابراهيم القاضى ♡♡
تعليقات
إرسال تعليق